ಮಂಗಳಂ ಜಯ ಜಯ
ಮಂಗಳಂ ಜಯ ಜಯ
ಮಂಗಳಂ ಜಯ ಜಯ
ಮಹಾದೇವನಿಗೆ ।।ಪ।।
ಬನ್ನಿಯ ಎಲಿಯಾಗ
ಹನ್ನೊಂದಾರುತಿ ಮಾಡಿ
ಅಣ್ಣ ಬಸವಣ್ಣಗ ಬೆಳಗಿದೆ ನಾ ।।೧।।
ಆಲದ ಎಲಿಯಾಗ
ಅರವತ್ತೊಂದ ಏಡಿ ಮಾಡಿ
ಅಣ್ಣ ಬಸವಣ್ಣಗ ಬೆಳಗಿದೆ ನಾ ।।೨।।
ನಿಂಬಿಯ ಎಲಿಯಾಗ
ತುಂಬಿದಾರುತಿ ಮಾಡಿ
ಅಣ್ಣ ಬಸವಣ್ಣಗ ಬೆಳಗಿದೆ ನಾ ।।೩।।
----------------------------------------------
----------------------------------------------
ಕರ್ಪೂರಾರುತೀ ಬೆಳಗಿರೆ
ಕಾರುಣ್ಯ ಮೃಗಾಹಾರ ದೇವಗೆ
ನೀಲಕಂಠನ ನಿಜಮಗೋಚರ
ಭಾಲಚಂದ್ರ ಭರಣಗೆ ।।ಪ||
ಬಾಲೆಗೊಲಿದನು ಹಾಲಸವಿದನು
ಲೋಲ ಶ್ರೀ ಗುರುರಾಯಗೆ ।।೧।।
ವಾರಿಜೋದ್ಭವ ಶಿರವ ಹರಿದನು
ಮದಹರ ಮಹಾದೇವಗೆ
ಘೋರ ತಾಪವ ದೂರಮಾಡುವ
ಶೂರ ಷಣ್ಮುಕ ನಯ್ಯಗೆ ।।೨।।
ಶರಣು ಜನಕೆ ವರವನಿತ್ತನು
ಪರಮ ಪಾರ್ವತಿ ಅರಸಗೆ
ಧರೆಯೊಳಗೆ ಅಧಿಕವಾದ
ಸೊನ್ನದ ಸಿದ್ಧರಾಮಗೆ ।।೩।।
ಓಂ ಚೈತನ್ಯಮ್ ಶಾಶ್ವತಂ ಉಮಾತೀತಂ ನಿರಂಜನಂ
ನಾಗಬಿಂದು ಕಾಲಾತೀತಂ ತಸ್ಮೈಶ್ರೀ ಗುರುವೇ ನಮಃ ।।
----------------------------------------------
----------------------------------------------
----------------------------------------------
